Nüss (amplisch Neuss) es en Stadt am Rhing.

De Röömer han Nüss jejründt. Füe di wooh_et der allerwischtischtßde Punk met Feßtungk, obb_em Wääsch vun de Allpe üvver Trier beß ant Meer. Danoch koohme Xanten un Köllen.

Fokeer

Nüss hätt enne wischtijje Haven.

Nüss hädd_enne Baanhoff un en Iisebaankrüz un fill Rangsjierkappazität.

Nüss hädd_enne Autobaanring un ettlijje Aanschlöß.

Ävver keejn Brögg_övver der Rhing. Dänn fun der 4½, diej för de Nüsser doh sinn, jehührt inne jo nüühß!

Nachbaarstätt

Nüss is juut bevvründet met Kölle, ävver mih oder winnischer verfeindet met Düsseldorf. De Kölsche dunnt Nüss deswäje och de ahlest Duuter vun Kölle nenne.

Patroon

De hilje Sankt Quirinus es de Patroon von Nüss. Sinn Jebein lije im jroße Münsterdom.

Schötzefeßß

Nüss es de Hochburresch vum Schözzefeßß en Düütschland. Och en dä Ömjävvung esset Schötzefäss_esu etwa et wischtischßte Fess_em Joohr, wischtijjor wi dä Faaßteläer wo_angersch eß. Wäe_et nit kännt kannt nit jlöyve, wat dat för all di jrööhne Schötzebröder bedük, dat eß en Woch suffe un dreej Dach Koohma bovendrop!

Nüsser

• Jupp Kardinal Frings es en Nüss jeboore. Imm ze Iiere jidd_et dat Woot: „fringse“.
• Werner Kopal kütt och uss Nüss. Wer'em noh nit kennt: Dä spillt die Bass-Jitarr bei BAP.